Глумецот Ал Пачино на 83 години стана татко по четврти пат. Со 54 години помладата девојка Нур Алфала го добија синот Роман. Името го објави неговиот пијар тим.
Извор близок до парот потврдил дека се возбудени поради бебето, но не се знае кога таа се породила. Сепак, парот неодамна беше забележан како излегува на вечера во Лос Анџелес, а медиумите тврдат дека во нивниот автомобил се гледа детско седиште.
За потстување, јавноста дозна дека Нур е бремена дури во мај, кога била во осмиот месец од бременоста. Пачино наводно бил изненаден од нејзината бременост, па Нур мораше да направи и тест со кој потврди дека тој е таткото. Двајцата се заедно две години, а првпат беа видени во април 2022 година.
Нур зад себе има неколку врски со познати фаци. Во 2017 година раскина со Мик Џегер, кој од неа е постар 52 години. Ја поврзуваа и со Клинт Иствуд. Ал Пачино пак од претходните врски ја има ќерката Јули, како и 22 годишните близнаци Оливија и Антон.
