Македонскиот суперлигаш Алкалоид ќе биде дел од осминафиналето на Европскиот куп на ЕХФ каде чека италијански предизвик и за првпат тимот на Лазаров ќе игра дома – гости сезонава.
На патот на Алкалоид кон четвртфиналето стои екипата на Бриксен од Италија, а веќе се познати термините и саатницата на двомечот. Првиот натпревар меѓу Бриксен и Алкалоид е во Италија на 15 февруари од 19:00 часот, реваншот е на 22 февруари од 18:00 часот во „Автокоманда“.
Оваа сезона Алкалоид двапати беше домаќин во претходните две кола. Тимот ги мина Драгунас Клаипедас од Литванија и Вест Виена од Австрија, со четири победи на натпреварите во Скопје.
