Ламбе Алабаковски заедно со „Некст тајм“ и композиторот и музичар Никола Мицевски се на голема турнеја низ Австралија, каде настапуваат пред Македонците од дијаспората. Од центарот на Сиднеј, Ламбе објави видео каде што пее македонски песни. Вниманието го привлече со „Ако одам во Битола“.

Турнејата на музичарите започна на 5. април во Сиднеј, а ќе заврши на 27. во Перт. Во меѓувреме ќе одржат концерти во  Волонгонг, Голд Коуст, Мелбурн . Република Ентеретејнмент, се организатори на пролетната турнеја во Австралија. За Ламбе ова е второ гостување во Австралија, каде пред 15 години како тинејџерска ѕвезда настапи заедно со Елена Ристеска, Ноне Неделковска и Ѓоко Танески. Стануваше збор за еднонеделна турнеја со три концерти, и тоа во Мелбурн, Сиднеј и Перт. „Некст Тајм“ и минатата година имаа турнеја во Австралија, а наместо Алабаковски, со нив настапуваше Влатко Лозановски.

Извор: ТВ Тера