Австралиската Влада најави дека ќе купи повеќе од 200 крстосувачки ракети Томахавк од САД за потребите на Кралската австралиска морнарица, за што ќе издвои приближно 830 милиони американски долари.
Австралија ќе биде само една од трите земји, заедно со САД и Велика Британија, кои ќе имаат ракети со дострел од 1.500 километри.
Според австралискиот министер за одбрана Ричард Марлс, проектилите со долг дострел и другото наведувано оружје се клучни во новата ера на геополитички пресврти и ризик. Инвестираме во капацитетите на нашите одбранбени сили, кои треба нашите противници да ги држат подалеку од нашите брегови и да ги чуваме Австралијците безбедни во сложениот и неизвесен свет во кој живееме денес, посочи Марлс.
Владата на Австралија одобри и купување на повеќе од 60 антирадарски ракети со голем дострел.
