Еден од двата активни вулкани во Австралија, на островот Херд во близина на Антарктикот исфрла лава, покражуваат снимки од сателит.
Исфрлањето на лава на ненаселениот остров од вулканот познат како Биг Бен, на околу 4.100 километри југозападно од Перт и 1.500 километри северно од Антарктикот, е дел од тековната ерупција за прв пат регистрирана пред повеќе од една деценија, пишува Гардијан.
Фотографиите, направени на 25 мај од сателитот Коперник Сентинел-2 на Европската вселенска агенција, се мешавина од оптички и инфрацрвени снимки.
Тие покажуваат како лава тече по страните на Биг Бен од близина на врвот на вулканот, пишува британскиот весник.
Вториот активен вулкан во Австралија се наоѓа на блиските острови Мекдоналд.
Извештаите составени од Глобалната програма за вулканизам на институцијата Смитсонијан, пред да се сподели сликата, велат дека тековниот проток на лава е дел од „еруптивна епизода“ што трае од септември 2012 година. Програмата има записи за ерупции на островот Херд кои датираат од 1910 година.
Д-р Тереза Убиде, вулканолог и вонреден професор на Универзитетот во Квинсленд, изјави дека овој вулкан еруптира од почетокот на 20 век. Убиде рече дека островот Херд е специфичен по тоа што, како вулкан, се наоѓа во средината на тектонска плоча, а не на нејзината маргина.
[/et_pb_text][/et_pb_column][/et_pb_row][/et_pb_section]
