На 31 октомври 1903 година австралискиот весник Калгорли (Kalgorlie Miner newspaper – WA) пишува за главниот организатор на востанието во Македонија Борис Сарафов. Тој не е Бугарин, туку вистински Македонец, пишува во весникот уште во 1903 година.
Весникот пишува дека Борис Сарафов бил роден во Либиаково, Неврокоп, во 1876 година. Основно образование завршил во Бугарија, а воена академија во Петербург. Беше дел од бугарската армија и во тоа време се залагаше за обединување на Македонија со Бугарија. Подоцна тој ги сменил своите ставови, пишува весникот, и станал голем поборник за основање на нова балканска држава – Македонија. Тогаш тој велеше – Македонија на Македонците. Поради тоа беше апсен во Софија и протеран од Бугарија. Потоа се приклучил на македонското движење.
Во 1902 година целиот европски печат ја пренесува неговата изјава: Ние Македонците не сме Срби, не сме Бугари, ами просто Македонци. Оваа изјава подоцна станува насловно мото на сите изданија на македонската колонија во Санкт Петербург. Сарафов ги помага и солунските гемиџии.
