Австралиската полиција уапси маж кој носел нешто многу слично на автоматска пушка АК-47, односно „калашников“, но се покажа дека станува збор за бонг кој се користи за пушење марихуана.
Полицајците брзо дејствувале по неколку повици од Сиднеј, а биле поддржани од хеликоптер.
Полицијата набрзо пронашла паркиран автомобил, како и наводен пиштол, но се покажало дека станува збор за бонг, јавува Би-би-си.
За овој случај е уапсен 50-годишен маж.
„Полицијата го пребарала автомобилот и пронашла имитација на автоматска пушка АК-47. Полицајците со помош на хеликоптер пронашле и маж кој бил во близина“, соопштија властите.
Уапсениот останува во притвор во очекување на судското рочиште закажано за април.
