Австралиската влада им нареди на членовите на семејствата на австралиските дипломати во Израел и Либан да ги напуштат овие две блискоисточни земји, наведувајќи ја влошената безбедносна ситуација во регионот, соопшти денеска Министерството за надворешни работи.
Владата, исто така, понуди доброволно заминување на членовите на семејствата на австралиските дипломати во Обединетите Арапски Емирати, Јордан и Катар, соопшти официјалното министерство. Меѓутоа, таа не го спомена Иран, затоа што австралиската Амбасада таму е затворена од август 2025 година.
Австралиската влада, исто така, продолжи да им советува на граѓаните на Израел и Либан да размислат за заминување додека се уште се достапни комерцијални опции, соопшти Министерството за надворешни работи.
„Австралиската влада нареди заминување на издржуваните лица на австралиските службеници распоредени во Израел како одговор на влошената безбедносна ситуација на Блискиот Исток“, се наведува во соопштението на Министерството за надворешни работи.
Се додава дека тензиите во регионот се уште се високи и дека постои ризик од воен конфликт.
„Доколку сте во Израел, ве советуваме да размислите за заминување додека се уште се достапни опциите за комерцијално заминување. Безбедносната ситуација на Блискиот Исток е непредвидлива. Регионалните тензии остануваат високи, а ризикот од воен конфликт останува. Конфликтите на Блискиот Исток би можеле да доведат до затворање на воздушниот простор, откажување на летови и други нарушувања на патувањето“, се додава во соопштението на австралиското МНР.
