Капитенот на женскиот тим на Челзи, Саманта Кер, беше на суд во Лондон по обвинение за расна навреда на полицаец.
Австралиската репрезентативка, чија баба е Индијка, признала дека го навредувала полицаецот Стивен Ловел во алкохолизирана состојба и го нарекла „глупав белец“.
Таа и нејзината партнерка за време на возењето со такси „се однесувале недолично“ и се обиделе да го скршат прозорецот, објаснил обвинителот, а кога таксистот повикал полиција, тие го навредувале полицаецот.
Сепак, 31-годишната Кер одби да се изјасни за виновна по обвинението за расно мотивирана навреда, а нејзината адвокатка Грејс Форбс тврдеше дека навредата на нејзиниот клиент не е поврзана со бојата на кожата.
„Сем Кер не чувствуваше никакво непријателство кон полицаецот бидејќи беше бел. „Нејзините зборови беа лошо формулиран коментар за позициите на моќ, за привилегиите и како сите тие работи можат да влијаат на перцепциите на луѓето“, рече Форбс.
Полицаецот Ловел презентираше докази за Кер како мавта со пари кон него, тврдејќи дека гестот имал за цел да го понижи.
„Нејзините зборови ме вознемирија“, сведочеше полицаецот.
Пресудата треба да биде позната до крајот на неделата.
